منتديات الحياة الوردية
مَرحًبأإ بزَأإئٍرتًنأإ العًزيزةً

إذأإ كًنًتٍ غًيرً منضًمة إلىً المًنتٍدىً

تًفضلًي بالتًسجيلً وإنًضمٍي إلىً اسًرة المنًتدىً

|| إدأإرًة المًنتٍدىً ♥️


{..أهْلًاآ بِكً يأإ زائر فِي مُنًتٍدًيًات الحًياإة الوَرْدًيَّة..}
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 المعرس و العروس

اذهب الى الأسفل 
كاتب الموضوعرسالة
بنت الديره
المشرف العام
المشرف العام
avatar

{المُسًأإهًمٍاآتً}: : 237

{ألًجٍنْسً}: : انثى

{أإلًعُمٍرً}: : 21

{تًأإرٍيٍخً ألتَّسٍجيًل}: : 18/05/2010


مُساهمةموضوع: المعرس و العروس   الأحد يوليو 25, 2010 1:54 am

هــــذا واحـــــد تــــــوه مــعرس وخلصت الزفه والامور اللي في القصر.....

اخونا في الله شغلل[اخذ زوجته] وركبوا السياره..ودعس لجده

يعني اهل العروسه في الرياض وهو ساكن في جده.

والبنيه تستحي ومقررررطه طوول الطريق...والرجال ماغير يسولف ويهذر والبنيه
ساكته...مااحولك احد

الرجال يأس من البنت انها تتكلم ..وقال ياولد ماوراه هذره اشغل المسجل وامسسك
الخط....

في الوقت نفسه البنت كانت بحاجه
الى دورات مياه ومتوهقه انها بس تتكلم

عشان تقوله ذلك


عاد هي طمررت على المرتبه اللي ورا عشان تنسدح وترتاح من عناء الطريق


المهم الرجال ماوعى الا وهاذيك محطه ويصفط عندها

وينزل للبقاله ياخذ له كم كيس فصفص وكم علبة بيبسي للطريق

هو كان وده ياخذ له شريط يسليه بالطريق بسس خبركم

مايصلح يشغل شريط والافضل يخليها سواليف

البنت على نزلت زوجها نزلت الى دورات المياه

اللي عند المسجد اللي جنب البقاله

قالت لنفسها يابنت يمديني اطمر وارجع
قبل لايرجع هو من البقاله

المهم المسكينه راحت واخذت وقتها

اخينا في هالوقت قد رجع للسياره وعلى باله
زوجته في المرتبه اللي ورا

وخبركم عبايه سودا واخر الليل ماانتبه انه مهيب فيه السياره وهو شغل




ودعسسس



البنيه المسكينه طلعت من دورات المياه

وتناظر يابنت وين السياره....


عاااااد تخيلوا الصدمه يوم عررفت ان زوجها دق سلف ومشى...جالسه تتأمل

المسكينه في نفسها يمكن راح منا ولامنا وبيرجع

شوي ماوعت الا ذاك الجمس المقبل يوم وقفوا عندالبقاله اللي جنبها

وتقز الحريم اللي في الجمس.....قالت زيييين عائله وتروح وترمي نفسها على

الحرمه اللي قدام

وهي ام العيله وتقولها خالتي اناداخله على الله ثم عليك..وهذي قصتي

والعجوز تمسك راسها وتقولها..يابنيتي انتي تعرفين سيارة زوجك

ويعبون بانزين ويدعسون وراااااه

نعود الان لصاحب الفصفص

اخونا في الله مريح وماشي...بعد مالقوه على بعد نص ساعه

عاد تخيل عزيزي القارئ انك على طريق سفر تالي الليل وفجأة وراك

جمس يكبس بالنوربشكل مخيف يبغاك توقف وش ردة فعلك

اكييد الرجال دعس قال ذولا مهابيل بيضروني ومعي عروستي




........ويافشيله اذا انطقينا................



والجمس وراه داعس يحاول انه يوقفه المهم الذهين اللي يسوق الجمس عرف وش

يسوي ...فقام يولع نور الجمس اللي داخل عشان يشوف انها عايله

واخيرااااااا ..انتبه ووقف يبي يشوف وش عنده

ونزل معصصصصصصصصصصب......


عاد من اللي متوهق في هاالموقف....راعي الجمس

يقول في نفسه شلون اقوله ان مرته معنا

يبي يجبها بااسلووووب تدريجي عشان ماينصدم ..خبركم في مثل هالمواقف

شبيقولون اهل العروسه

اخذت بنتنا وضيعتها ..والللللله ان تلزق فيك السالفه طول عمرك

والعالم يتمشون وماعندهم سالفه غيرك

المهم راعي الجمس سلم وقال يااخوي ماكاانك مضيع لك شي ......

قاله المعرس لاوالله ماضيعت شي


قال متأكد

قال المعرس...شلون


قال راعي الجمس رح طل في سيارتك شف فيه شي ناقص لك

العريس قام يوسوس حتى المشكله زوجته ماجت على باله

المهم راح ودخل سيارته وقال يابنت فيه شي طاح منن وحنا في المحطه

محد رد عليه

ويوم لون وجهه بدا يميل للكرت الاحمر ....وييييين راحت هالبنت

ورجع لراعي الجمس وقال هات السالفه

قال ياولد زوجتك لقيناها في المحطه انا واهلي وقالت لنا انها نزلت

لدورات المياه وانت مشيت ولا دريت عنها

عااد العريس كل انواع النفضات نزلت عليه تلعثم ولاقدر يتكلم

المهم راعي الجمس راح وقال للعروسه يلا

أنزلي عند زوجك

شوفيه متصومع عليك

المهم العروسه اركبت مع زوجها السياره وانطلق لسانها اللي كان مربوط

وقامت تتعذر له...

وتقول لاتزعل مني اناكنت مستحيه اقولك اني ابي دورات المياه..وانت مشاء الله عليك

ركبت السياره وانطلقت.........


ههههههههههههه..عادانقلب الوضع

صار العريس هو اللي مبرطم طول الطريق والعروسه هي اللي تبربر

وأنـــتــظـــر ردوووووودكـــــــــــــــــــــــــــــــــــــم


تحــــياااتــــي ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المعرس و العروس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحياة الوردية :: εïз الأدٍبُ .. :: ✿ الروايات والقصص..-
انتقل الى: